Gelgjurnar slógu öll fyrri met

Gelgjurnar geðþekku, Eva María og Ragnhildur Steinunn, slógu öll sín fyrri persónulegu met í ungæðingslegum fígúruhætti í Evruvísíjóninu í kvöld með framgangi sem lengi verður í minnum hafður. Þær voru ekki einasta sigurvegar kvöldsins, heldur féllu lögin í keppninni svo gersamlega í skuggann af djöflagangi gelgjanna, flissi og fretum, að enginn man hvaða tónverk voru þar í boði og enn síður hvort nokkurt þeirra hafi unnið. Það hlýtur því að dæmast á Evu og Ragnhildi bera frægð Íslands út yfir höfin þegar kemur að aðalhátíðinni í Noregi í vor. 

Því er svo við að bæta, að Snata mínum, sem er tónelskur hundur að eðlisfari, blöskraði svo gauragangurinn í fyrrenfndum gelgjum, að hann lagði niður skottið, varð áberandi sorglegur til augnanna, og skreið, eins og húsbóndi hans hefði lamið hann, bak við sófa og faldi sig þar uns þætti Evu og Ragnhildar lauk.

Hera Björk fulltrúi Íslands

Núllið innsiglað

Ég óska Svavari Gestssyni, Álfheiði Ingdóttur, Árna Þór Sigurðssyni, Steingrími J. Sigfússyni og öðrum kjölfestufjárfestum og icesave-vinum í flokkseigendafélagi VG í Reykjavík til hamingju með sigurinn í prófkjörsforvalinu í Reykjavík. Ekki síst óska ég þessum frábæru máttarstólpum róttæks félagshyggjusósíalisma á Íslandi heilla með stórt skref í átt til að VG fái engann mann kjörinn í hreppsnefnd Reykjavíkur í kosningunum í vor, því satt að segja eru fáir betur til þess fallnir að berja fylgi frá VG en hin nýja reykjavíkurprímadonna svavarsistanna, frú Sóley Tómasdóttir.

 

Sóley sigraði í Reykjavík

Innantómt froðusnakk efri-millistéttarfémínísta

Samkvæmt þessari Andreu Hjálmsdóttur, er svo að skilja að fulltrúar VG í bæjarstjórn Akureyrar hafi látið undir höfuð leggjast að verja velferðarkerfið; þeir hafi verið gamlir, a.m.k. ekki nógu nýjir; enn fremur að mikilvægt sé að hafa kvenkyns oddvita á lista.

Allt er þetta raup kvenkyns oddvitans innatóm froða, kjaftæði sem ef til vill gengur í krakka sem ekki eru komnir með kosningarétt. Ég er ekki viss um að Baldvin og Kristín SteingrímsJsystir samþykki að hafa ekki varið ,,velferðarkerfið" eða séu svo aldurhnigin að skömm sé að. Hvernig þessi Andrea finnur út, að mikilvægt sé að hafa kvenkyns oddvita á lista VG á Akureyri er mér gjörsamlega hulið, að öðru leyti en því að svona ruglumbull tilheyrir orðbragði efri-milliséttarfémínísta í framapotsstreði. 

Andrea í efsta sæti á Akureyri

Ömurleg kjánaþvæla

Samkvæmt þessari Andreu Hjálmsdóttur, er svo að skilja að fulltrúar VG í bæjarstjórn Akureyrar hafi látið undir höfuð leggjast að verja velferðarkerfið; þeir hafi verið gamlir, a.m.k. ekki nógu nýjir; enn fremur að mikilvægt sé að hafa kvenkyns oddvita á lista.

Allt er þetta raup kvenkyns oddvitans innatóm froða, kjaftæði sem ef til vill gengur í krakka sem ekki eru komnir með kosningarétt. Ég er ekki viss um að Baldvin og Kristín SteingrímsJsystir samþykki að hafa ekki varið ,,velferðarkerfið" eða séu svo aldurhnigin að skömm sé að. Hvernig þessi Andrea finnur út, að mikilvægt sé að hafa kvenkyns oddvita á lista VG á Akureyri er mér gjörsamlega hulið, að öðru leyti en því að svona ruglumbull tilheyrir orðbragði efri-milliséttarfémínísta í framapotsstreði. 

Rödd sem ver velferðarkerfið

VG stefnir í 0 borgarfulltrúa

Ef frú Sóley Tomm nær efsta sætinu hjá VG í prófkjörsforvalinu þarf ekki að spyrja að leikslokum: Listi með þessa bráðgáfuðu frú í fyrsta sæti fær auðvitað engann fulltrúa í hreppsnefnd Reykjavíkur. Svo einfalt er það.

Hinsvegur nýtur frú Sóley þess að vera fulltrúi hins hægrisinnaða Svavarsarms í VG og því miður virðist sem sá ónytjuarmur eigi enn eftir lögg af bensíni á kosningavélina.

Gangi það eftir að hæfileikalaus fulltrúi Svavars Gestssonar, Álfheiðar Inga og Árna Þórs sigri í prófkjörsforvali VG í Reyjkavík mun það flýta fyrir formlegum klofningi VG, en það er svo sem ágætt útaf fyrir sig. 

Sóley í 1. sæti hjá VG

Þökk sé blessuðum Sjálfstæðisflokknum

Í kvöld, þegar við göngum til náða, skulum við ekki gleyma að þakka Sjálfstæðisflokknum fyrir allar þær þúsundir og aftur þúsundir manna og kvenna sem sitja í skuldasúpunni fyrir tilverknað þessa dásamlega flokks. Hafi hægrimönnum á norðurhveli jarðar einhverntímann tekist vel upp í svindli, þjófnaði og arðráni þá var það undir styrkri stjórn Sjálfstæðisflokksins á árunum 1991 til 2009. Auðvitað reis snilld Sjálfstæðisflokksins hæst í október 2008 þegar honum lánaðist að hvolfa landinu fyrir efnahagsbjörgin; enda var það slíkur skellur að begmálaðu um gjörvalla heimsbyggðina.

Þó svo að Sjálfstæðisflokkurinn hafi steypt þjóðinni í hroðalegar skuldir, lagt efnahagslífið í rúst og látið alskonar glæpi þrífast eins og skordýraplágu undir sínum ránfuglsverndarvæng, þá skulum við hafa sem fæst orð um það, en kenna núverandi ríkisstjórn alfarið um hvernig komið er. Til dæmis er allt í lagi fyrir baráttuglaða sjálfstæðismenn með að kalla liðsmenn núverandi þingmeirihluta þjóðníðinga, landráðamenn, fasista, djöfla og andskota, á opnberum og óopinberum vettvangi ef það kynni að verða til þess að ríkisstjórnin félli og Sjálfstæðisflokkurinn kæmist, helst með Framsóknarmaddömunni, í ríkisstjórn og bjargaði kvótanum, endurreisti Gamla Ísland tafalaust og fargaði öllum vömmum og skömmum um guðhrædda og sómakæra sjálfstæðismenn með strokleðrum og pappírstæturum.

Það ætti varla að þurfa að taka fram, að allir sjálfstæðismenn eru guðhræddir og sómakærir, enda gaf Guð sjálfur í eigin persónu þeim Sjálfstæðisflokkinn.  

Þúsundir í skuldasúpunni

Samdægurs á sorphaug sögunnar

Það á ekki af aumingjanum svorna henni Jóhönnu Sigurðardóttur að ganga. Í byrjun árs neitaði forseti Íslands að staðfesta aðgöngumiða Samylkingarinnar og Svavarsgengisins í VG að ESB. Og þjóðin tók undir með forsetanum og ætlar fyrir sitt leyti að afhrópa Icesave í þjóðaratkvæðagreislu og vísa ESB-aðildinni til helvítis.

Með storminn í fangið tekur Jóhanna til bragðs að fara í leynilega opinbera heimsókn, skríðandi á hnjánum að hætti beiningamanns, til ofursta evrópusambandsauðvaldsins í von um að fá annan aðgöngumiða að ESB. Meiri reisn er ekki yfir forsætisráðherra Íslands þessa dagana.

Með sama áframhaldi mun ríkisstjórn Samfylkingar og VG heyra sögunni til fyrr en varir. VG er illa klofin flokkur og þar á bæ, ekki síst í grasrótinni, fer stuðningur við Svavarsarminn og ríkisstjórnarþátttökuna hratt dvínandi. Fari svo að VG klofni alveg, sem mikil hætta er á í næstu framtíð, hverfur auðvaldsríkisstjórn Jóhönnu og Steigríms samdægurs á sorphaug sögunnar. 

Ræða aðild Íslands í febrúar

Svíar eignast sinn Sjálfstæðisflokk

Jæja, - þá hafa Svíar loksins eignast sinn Sjálfstæðisflokk. Trúi ég að íslenskir sjálfstæðismenn séu að vonum glaðir fyrir hönd þegna Svíaríkis og óski þeim innilega til hamingju með sinn glæsilega Frelsisflokk. Það er nefnilega ekki á hverjum degi nú orðið, að frjálshuga og frelsisunnandi sjálfstæðismenn á Norðurlöndum stofni heilan stjórnmálaflokk, lýðræðinu til halds og trausts.

Nú þegar frjálshyggjan er dauð á Íslandi er sjálfstæðismönnum það eflaust mikið fagnaðarefni að geta með góðri samvisku stofnað til frelsisdeildar að sænskum hætti í hinum limlesta Sjálfstæðisflokki. Verst er samt, að áður en Frelsisdeildinn nær að taka til starfa, verður búið að leysa Sjálfstæðisflokkinn upp og banna með lögum frá Alþingi.

Hell's Angels í framboð

Hin endanlega lausn Icesave-vandamálsins

Nú hefur um hríð margt verið rætt og ritað um holdlegt afkvæmi Sjálfstæðisflokksins, Icesave-vandamálið, og menn og konur ekki verið á eitt sátt hvernig meðhöndla eigi slíkt óbermi. Steingrímur okkar hérna Joð, ásamt Svavari, Jóhönnu, Össuru og öðrum slíkum kapítalistakindum, hafa af góðmennsku sinni viljað láta þjóðina greiða meðlagið fyrir Sjálfstæðisflokkinn í óþökk sömu þjóðar, en stjórnarandstaðan, sem að sönnu er sammála, hefur maldað í móinn, án þess að meina nokkuð mep því, með gífuryðum og bölvi að hætti drykkjurúta sem búnir eru að drekka frá sér geðheilsuna. Þennan leik hafa Steingrímur, Jóhanna og stjórnarandstaðan stundað linnulaust í bráðum ár og sér ekki enn fyrir endan á því leikriti. Á meðan hafa háttvirtir kjósendur glápt sínum fránu freðýsuaugum uppá stjórnarherrana eins og átján barna feður úr álfheimum, drepið tittlinga framan í hverja aðra og klórað sér í rassinum öldungis ráðalausir.

En lausnin á hinu eitraða Icesave-vandamáli er nær en fólki grunar. Hin endanlega lausn felst einfaldlega í því að Sjálfstæðisflokkurinn, ásamt frillu hans, Framsóknarmaddömunni, verði gert að borga allan kostnaðinn af þeirra holdgetna afkvæmi. Geti þessi óreiðufénaður ekki staðið í skilum, legg ég til að sjálfstæðis- og framsóknarmenn verði reknir til fjalla og geymdir þar innan fjárheldrar girðingar eins og hverjar aðrar óþrifaskjátur þar til þær hafa laxerað öllum frjálshyggju- og kapítalistahroðanum sem þær eru uppfullar af.

Nýtt mat liggur ekki fyrir

Siðblindumessa frú Brím í pungaprófsháskólanum

Siðblindu má vissulega finna í bönkum og fjármálafyrirtæknum, en einkum og sérílagi er hana að finna í Sjálfstæðisflokknum. Í þeim myrkrasamtökum virðist mönnum siðblinda og siðvilla í blóð borin því þar flóa þessir fráhrindandi eiginleikar yfir alla barma eins og hlandfor úr haughúsi.

Ef að frú Nanna Brím geðlæknir einskorðaði siðblindurannsóknir sínar við nefndan Sjálfstæðisflokk myndu henni eflaust fallast hendur ekki ólíkt þeim manni sem falið væri að grafa tíu kílómetra langan skurð, fimm metra breiðan og sex metra djúpan, með teskeið.

Ekki þykir mér útilokað að fyrirlestur geðlæknisins um siðblindu hafi farið fyrir ofan garð og neðan hjá nemendum og kennurum pungaprófsháskólans í Reykjavík. En skólanefna þessi er sem kunnugt er ömurleg tímaskekkja frá hinu myrka frjálshyggjutímabili íslandssögunnar, sem lauk fyrir 16 mánuðum síðan með þjóðarhruni. Varla þarf að taka fram að siðblinda er önnur grunnstoðin í framkvæmd frjálshyggjunnar, hin er græðgin.

Siðblinda finnst allsstaðar